نصيحة وتجربة طالبة



السلام عليكم بنات بتكلم لكم عن تجربتي ب سمتسر ون . اول شيء لا تسمعون لأحد يقولكم مستواه صعب ومدري ايش لان هذا اكثر شي اثّر على البنات كانوا خايفين مره و متوترين ، بس الحمد لله اختي تدرس معاي في الجامعة وأكبر مني عشان كذا كانت مره مريحتني بكلامها و ما شلت هم ابدا ابدا .

اول ماده بتكلم عنها الريدنق ، ما اقول أصعب ماده بس challenging شوي لان بعض الأسئلة ما تعتمد على المذاكرة ، لكن ما عليكم بتقدرون عليه. ثاني مادة الرايتنق ، هذي اكثر ماده كانوا مخوفينا منها طلعت اسهل ماده ، ولا تحسبون ان تهاوشتي مع المس بتتملعن معس لا ، مافي شي اسمه كذا ، انتي بس اتبعي اللي تقوله بالضبط وبتجيبين شي كويس ، بالنسبة لكويزاته مره مره سهله يعني تضمنينها . ثالث ماده القرامر ، تعتبر الماده المفضلة لكل الطالبات تقريبا ، حرفيا اللي تذاكرينه يجي وما يجي ابدا شي من برا انتي افهمي القاعدة و توكلي على الله . اخر ماده السبيكنق اند ليسننق ، هذي مادة السوالف تجي المس وتسولف عليكم وعادي ان ما قلتي جملة صحيحه ما فيه محاسبه على الأخطاء اهم شي تشاركين ، وبالنسبة للبريزنتيشن مقدر اقول لا توترون لان اغلب الناس تتوتر لما يكون عندها بريزنتيشن بس ان جهزتي له كويس بإذن الله الكلام بيطلع بدون لا تحسين ، و فيه اختبار سبيكنق يصير بنهاية السمستر ٥ دقايق تتكلمين مع ٢ من المسسز ، هذا كلنا كنّا منخرشين منه ، طلعنا منه نضحك على السخافه ، سوالف منجد بس هنا يحاسبون على الأخطاء سواء قرامر آو نطق بس بنفس الوقت لا تشيلون همه. بالنهاية لا تضغطون على نفسكم كل واحد يعرف ايش قدراته ويعرف المقدار اللي يذاكره ، فإن كنتي تحسين انس ذاكرتي زين خلاص لا تضغطون على انفسكم ،هذا كان مفتاحي للتعايش مع هذا السمستر ، ان كان مستواس مو مره عالي بالإنجليزي عادي مو معناته ماراح تجيبين درجه كويسه او البنات احسن منس ، ربي ما يحط احد في مكان الا وهو عارف انه راح يبدع فيه ، اللي عليكم المذاكرة والمحاولة و بإذن الله مايضيع تعبكم ، good luck .💕