نصيحة فعّالة من طالبة بخصوص مستوى الإنجليزي قبل التقديم



أهلاً وسهلاً فيكم جميعاً بحكي لكم عن تجربتي في جامعة الحرس ونصائحي للمقبلين على الجامعة..

أولا وآخرا ودائما! أهم شيء إذا ناوين تدخلونها وربي يسرلكم ضروري إنكم تكونون متقنين للغة الإنجليزية

على الأقل ٧٠٪؜ إذا تبغون معدل فوق ٤.٧٥ .. لأن الترم الأول كل مواده إنجليزي وتعتمد على مستوى

لغتكم..صحيح بتقولون بنتعلم وبنطّور لغتنا ..وأنا معاكم بهالشأن..لكن اللغة اكتساب وليست حفظ كلمات أو قواعد وبس! زيها زي المهارة مع الوقت و الممارسة والتدرب راح تستفيد منها وليس الحفظ .. ومهما كان هذه لغة ومستحيل تتعلمها من الألف إلى الياء بشهرين ولا ثلاثة .. و أنا هنا مو أحبط أحد لكن ما أبغى أحد يعاني إذا دخل الجامعة ويكتئب ويتحسف ويجيب معدل سيء ولا يدخل التخصص الي يبغاه بسبب أنه ماف ّكر زين! كثير بنات كانوا مجتهدين وجايبين موزونة ٩٧ لكن معدلاتهم كانت سيئة بسبب اللغة! بتقولون لغة لها دخل بمعدلي؟ إي نعم! كثير ناس كانوا متميزين باللغة ومتقنين وجابوا فوق ٤.٧٥ بكل أريحية وأنا كنت منهم " يذاكرون لكن لا يقارن جهدهم ولا نتيجتهم باللي أقل منهم "! لذلك لو كانت لغتك " متوسطة" بمعنى كيف؟ أنك تقدر تشوف فلم بدون ترجمة وتستوعب الأحداث و الحوارات وكل شيء " طبعاً أكيد بعض الكلمات بتصير مجهولة بالنسبة لك " هنا أقدر أقولك بتستفيد من الجامعة وراح تقدر تطور لغتك وتستفيد من هالتطور! وهنا أقدر أقول ادخل الجامعة بكل أريحية! لكن إذا كان مستواك سيء وماتفهم كل شيء فإني أنصحك نصيحة من كل قلبي إنك تتوجه لجامعات أخرى ..زي جامعة الملك سعود مثلاً ياخذون للتخصيص ٥٠٪؜ الموزونة و ٥٠٪؜ معدل التحضيري! وبكذا راح تستفيد .. وأدري كثير

منكم حاب الجامعة ويبغاها كرغبة في داخله بس اللغة عامل مهم جداً و راح يدخل حتى بدراستكم بالمواد العلمية الترم الثاني فلازم تضعونه بالإعتبار ..