تجربة طالبة للترم الأول في السنة التحضيرية

اسمي: هيل 😂، ومستواي باللغة متوسط Reading and vocabulary - ENG103 المادة ذي نقدر نقول انها اكثر مادة تمثل تحدي بسمستر ون. الي عليكم بذي مادة هو - حفظ مرادفات الكلمة synonyms - اشتقاقات الكلمة Affixes - تدربون على التفكير الناقد و القطعة critical thinking and passage

بدايتي مع هذي المادة كانت نوعا ما سيئة خاصة في التفكير الناقد و القطعة. ماكنت فاهمة كيف استخرج الجواب اقرب مثال ماكنت اعرف الفرق بين لما يسألك inferred و implied الي هو الاول انت كشخص وش فهمت ؟ و الثاني النص وش يحاول يوصل لك ؟ فكنت دايم احصل جوابين ينفعون و احتار. و القطعة ماكنت اعرف احلها و هي الي بالأخص تنقصني و اوقات ماكنت افهم القطعة بكبرها و حل هذي المشكلة انكم لسا عندكم اجازة الصيف تدربوا كثير في read works لأن انا لما عرفت عن الموقع وقت الدراسة ماكان عندي وقت اتدرب عليه او اشوف تطور ملحوظ.

بالنسبة للـ Affixes قبلها رحت درست ملفات Part of speech الي هو يعلمك متى نحط الفعل متى الصفة و الحال و هكذا صح ممكن تقولون واضح و مايحتاج بس برضو شوفوا الملف.

المادة ذي صح سببت لي هم لكن الحمدلله جبت فيها درجة كويسة و على الحافة بسبب القطعة الي انتم ان شاء الله بتتدربون عليها قبل الدراسة👀💜.

Grammar - ENG 102

المادة ذي كانت تجربتي معها مرة لطيفة و خفيفة الحمدلله. الأوقات الي احس مافهمت فيها القاعدة اروح اشوف مقاطع اليوتيوب. و احل التدريبات الي تنزل لنا و التدريبات الي بكتاب التمارين work book مادة بإذن الله ماتضيع درجتها من يدكم.

Writing- ENG101

هذي المادة برضو كانت من الاشياء الصعبة علي.

مشيت فيها لما المس الي تدرسنا تعلمنا عن قاعدة او طريقة كتابة شي نروح نطبق علطول و نوريها و تصحح. ممكن يقابلونكم مدرسين مايهتمون لذي النقطة و فجأة يفاجونكم يلا اكتبوا assignment لذا انصحكم تشوفوا الملف الي راح يرسلونه ملخص لكم قواعد الكتابة و جربوا أكتبوا مع نفسكم و برضوا جربوا اكتبوا assignment مع نفسكم و قيموا نفسكم او تبادلوا مع احد أبداً لاتغشون او تخلون احد يكتب لكم لان بالفاينل راح تكتبون لحالكم لا قاموس يساعدكم ولا شي.

Listening- ENG 101

المادة هذي كانت الثقب الاسود حرفيا ً على ما انها سهلة😭 لكن سمعي ماكان بذاك الزين لذا لجأت للبرودكاست الموجود بالايفون كل يوم اسمع مقطع قصير لأي موضوع اشوفه يعجبني و برضوا تطبيق ESL English listening Test ساعدني كثير اسمع المقطع و يسألني عنه و برضوا يعطيني كلمات جديدة استخدموها بالمحادثة و يعلمني وش معناها و يعطيني المحادثة على شكل نص لو ابغا ارجع اقرأها و اسمعها و الحمدلله تطورت كثير و للحين مستمرة صرت اي شي اسمعه بالصدفة ابدأ أقلده و أكرر و اشوف الي سمعته صح ولا لا.

101 Arab - العرب 101 and Islm - سلم

مواد بس تحتاج لحفظ و العرب الجزء الأخير شوي فهم. للأمانة ماتعبت فيهم كثير بس اذا كنتم أشخاص تواجهون صعوبة بالحفظ ابدأو ذاكروهم بشكل دوري عشان

نهاية السنة تكونوا ملمين فيهم ابد لا تقولوا سهلين و تهملونهم و فالكم A+ فيهم يارب💗.