تجربة الطالبة سارة راشد

السلام عليكم ورحمة الله وبركاته،

انا سارة راشد بقولكم التفاصيل اتمنى تتمعنون بكلامي للي ضعيفين لغه ، للي ياخذون بالثانوي ٩٠ واقل بالانقليزي وهذا بدف بعد، للي مزلبين فيه الحرس يقدسون الانقليزي انا دخلت وكنت اعرف ان انقليزي كله بس مااستوعبت هالمستوى مابغى اخوفكم لكن بعطيكم الجد الجد والله دخلت وكنت واثقه من نفسي جداً جداً لان بعد ماشفت مستواي ثانوي وقدرات وتحصيلي مكسره الدنيا قلت مب صعبه علي بشد حيلي بوقتها ، لكن الانقليزي مافي وقت الانقليزي تطوير لغه مب بيوم تذاكرين وبكرا تفلحين لا يبيلها تطوير يبيلها لغه يبيلها جد جد... دخلت الحرس وانا بعض الاحيان الخبط بين الyes وله yas هذا اقرب مثال لضعفي فيه... دخلنا اول اسبوع ودخلنا اول كويز جبت فيه ٨ من عشرين... انصدمت لكن مايأست برضو جديت جديت برضو ماحصلت بالكويز الثاني والثالث قرمر خذت ٢ وكل شوي انصدم واتحطم اكثر واكثر واكثر وانكسر اكثر واكثر وكل يوم ابكي واصيح دون جدوى لدرجة ماصار يهمني هلاص معاد يفيد مذاكره، والمستوى عالي واللي حولي يجيبون وانا زي الخبله بينهم، غلطت عمر غلطت عمر مااستغليت ال٤ شهور ولاشفت نفسي ولا ناظرت لنفسي ندمت قد شعر راسي... كل يوم انصدم وكل يوم انهبل والميد جبت فيه ١٨ من ٦٠ او ٦٥ مااعرف ، كان الريدينق عقدتي جداً جداً لان كان كله لغه مافيه اي جد كثر اللغه، يمديك تشوفين الفوكاب وتحفظينه لكن بالاختبار وفريه بجيبك حفظك اذا مافهمتي السنتنز والباقي بسج وافكسز عقدتي العقوده انهرت منه كنت اجيب ٠ بجداره فيه يمين يسار ماينفع ، كلمت العماده يغيرون الطريقه وغيروها وسهلت اكثر لان كان يسوونها بكس وفيه الافكسز وتحطين الكلمات لكن يوم غيروه حطوه اختياري وصار اسهل بكثير وصرت اجيب الفل مارك بجداره.. القرمر بديت اذاكر يمين يسار وفلحت فيه شوي شوي شوي عشانه براكتس اكثر من لغه ، رايتنق للامانه جلدني جلد بالاسايمنت انهار منه لكن شفت يمين يسار مساعده وكنت اكتب بمساعده لين نهاية الترم ونجوت منه الرايتنق كتابه بشكل رهيب ودقه.. على العموم عرب كان تافه بنسبه لي وكنت اجيب الاي بلص بجداره، الباقي نجحت على الحفه والحمدلله ، لكن لكن لكن.. رسبت بالريدينق لانه ماقدرت انجو منه ابداً... كان عقدتي انهبلت منه صحت بكيت لان ماكان يفيد اي شيء فيني لان ماكان عندي لغه وكان ضغط مايمدي اطوره ولايمدي اشوف حالي ندمت ضيعت ال٤ شهور قد راسي ، الحمدلله رسبت على العموم وتقبلت الامر ، كان في اختبار رست يعاد للي راسب بماده وحده فقط عدته ورسبت 😂 كنت واثقه انجح لكن ماش كنت داخله ولا عندي لغه ايضا... مر بكيت صحت انهرت بس الحمدلله توكلت على الله واستمريت وعدت الترم فقط بماده عرب الجديده والريدينق، وحمدت اني رسبت ريدينق لان ايضاً ماكان في مجال اتطور بااجازه اسبوع واحد! واخاف برضو اخذ زفت بالباقي.. مر الترم بضيق صدر بس مع الاصدقاء قدرنا نتخطى وطلعت امس النتايج ونجحت فيه وايضاً بالحفه لان الفاينل جلدني جلد، نجحت الحمدلله فيه اخيراً البعض رسب.. والبعض سحب ملفه..

انا قررت استمر لكن في شيء بقلبي وللان بقلبي ي جماعه لاتضيعيون ال٤ شهور وانتم ناوين الحرس او ناوين اي جامعة اخرى لان اللغه مقدسه عندهم وبذات عند الحرس!!!! نصيحه مني طوروها او ابعدوا عنها وعن ضيقة الصدر، اذا بتتحملون كل هذا العبء مااقول لاتدخلون ، لكن اذا انتم شايفين بتقدرون تتحملون وانتم لغتكم كذا لا... على العموم انتهت السنه تطورت لغتي للامانه لكن برضو بقت قدرت اتكلم قليلاً قليلاً قليلاً وافهم متوسط كانت مرحله صعبه مليئه بالصياح والبكاء اهملت اربع شهور فاتت واكلت مااكلته بالجامعه تحطمت بدرجاتي وتحطمت بمعدلي لكن لايأس، والآن اقولكم وانصحكم كأخت والله وخايفه عليكم ، لاتغلطون غلطتي ابداً والان من الان طوروها، واشتغلوا عليها ❤️ دعواتي لكم ي باتش ١٨ بكون صاحبتكم بعد بتكلم قليلاً عن نظام الرسوب ( الرسوب لايعاد اختباره للي رسب اكثر من ماده ، مادت وحده فقط ، في ناس يجتازونه للامانه ويتخطونه ، لكن بيكون درجتك دي فقط لو نجحتي رست، اذا عدتي السنه تاخذين اي معدل تستحقينه بجهدك) واذا عدتي سنه كامله بيكون نظامك كالآتي( رح تدرسين مادتك او مادتينك ومادة العرب فقط ، السنه الجاية رح ندرس مواد سمستر ٢ كامله للي مافتتنا وسمستر ٣ ايضاً نفسها ، سمستر ٤ رح ندرس ٣ مواد واصعبها وعليها ١٢ ساعه فقط ورح يدخل ضمن التخصيص في AMS بالمعدل واذا رسبتم رح يكون مجالكم العلوم الطبيه فقط واتمنى افدتكم يارب ولا تطنشون نفسي وتثقون بقدراتك بززززياااادددده ثقوا لكن مب زياده بقوه لدرجة الاهمال والصدمه من اولها، لدرجة اقول انا وللان اذكره يوم اقوله لصديقتي "شدعوه برسب وين وين مستحيل!" والحمدلله على كل حال

وشكرًا لكم ❤️❤️