تجربة الطالبة أريج الشمري

أهًلا للباتش الجديد.. حياكم الله بجامعتنا، فيها من الألفة والحنّية أكثر مما تتوقعون، الناس فيها لطيفين جداً

اسمي أريج الشمري، مستواي في اللغة الإنجليزية أول مادخلت كان جيد، مستواي بالثانوي عموماً كان ممتاز، كنت أجيب بكل المواد 100 فكنت مجتهدة أما بالأنجليزي كنت جيدة-هذا اللي أعتقدته قبل ما أدخل الحرس- بعدها أكتشفت أن مستواي أقل مما كنت أظن بحكي لكم الأشياء اللي لو أني تجنبتها كنت أخذت درجات أعلى..ولازم تعرفون أنه مافيه شي سهل، ومافيه شي مستحيل، مقدور عليها يعني بالإجتهاد.

أولاً، الترم الأول وأول الأسابيع ماواجهت مشاكل أبد لا من ناحية صداقة ولا فهم، كنت متحمسة لأول إختبار قصير(كويز) لأنه بيكون الأول بحياتي الجامعية وسمحت لنفسي النقص وقلت خذيه تجربة لاتزعلين من نفسك يانفسي

1-وهو كويز أول مادة أحب أكلمكم عنها لأني متأكدة بتقرؤون بالتجارب كثير تحلطم بهالمادة وهي مادة القراءة ( الريدنق) نقصت ٤ درجات في أول كويز وزعلت - بحكم أني كنت توني جاية من ثانوي وكنت مازلت أستصعب موضوع الفصل بين الثانوي وحاليا-

وهذا أول خطأ لازم تتجنبونه أول مايتم قبولك بالجامعة أنسي الثانوي وطريقة المذاكرة والدرجات، المقارنة بتتعبك خصوصاً للي مثلي كنت متعودة أني أكون الأولى اللي حصل أني قدرت أطور وأقلل من هالنقص لكن صدمتني درجة الميد طبعاً هالمادة جزء كبير منها خارجي (قطعة أو قطعتين تكون خارجية + تفكير ناقد (critical thinking)) بالميد الأول 7 أخطاء على الجزء الخارجي، الميد الثاني جزئية التفكير الناقد ولا خطأ- كنت فخورة جداً وطايرة من الفرحة- ونقصت بالقطعة 5 لكن بنهاية المطاف ماقدرت آخذ المعدل اللي اتمناه لأن مجموع النقص بالكويزات مع الميد كبير نصائحي لهذه المادة: في وقت الإختبار، ثقي بنفسك! لاتغيرين إجاباتك-لأنها مو قانون ومتأكدة من الصح مثلاً- لاتعطين أي سؤال وقت أطول من اللازم، لأن تذكري! سؤال خطأ أهون من 20 خطأ، غير أنه أصلاً يمديك ترجعين له بعدين تعودي على الإجابة بسرعة قبل دخولك للإختبار-بينزل لكم تدريبات وأشياء كثيرة مرة- وأخيراً، لاتقسين على نفسك؛ لأن هالمادة جزء كبير منها يعتمد على الخلفية الثقافية باللغة الإنجليزية.

2- مادة الكتابة(الرايتنق) هي اللي واجهت مشاكل كثيرة معها وتمنيت جداً أني تدخلت أسرع- لأني صلّحت المشكلة متأخر بعد ماطارت الدرجات- وهي أكثر مادة سببت لي إكتئاب لأني أنظلمت فيها-بكل الترمين-

مشكلتها تكمن في أنها تعتمد بدرجة كبيرة على المعلمة حيث أنها هي المصححة، وهي كذلك المادة الوحيدة اللي تحتاج منك فهم للمعلمة وأسلوبها، يعني تدرسين المعلمة دراسة وإذا قالت هذا ماعجبني شيليه، شيليه وحطي اللي تبي المهم رضاها الأميرة والمشكلة الثانية أنها في الترم الأول-فقط-مشتركة مع مادة الإستماع، درجاتهم واختبارهم مع بعض وأسم المادة أصلاً (الكتابة والإستماع) وأنا كان عندي مشكلة بالسماع والصراحة أشك أني صقها-صماء في رواية أخرى- أمزح طبعا ً بس المقصد أني كنت أواجه مشكلة عويصة،مالسبب ياتُرى؟السبب أن الصوتُ يعادمرتين فقط وأنا ما ألحق ألقط إجابات- طبعاً بالثانوي ياسلاام واضح الصوت وواضحة اللكنة والسؤال مباشر لكن بالجامعة كل هذا تلاشى- أذكر في الميد الثاني طلعت وأنا مبسوطة لأني وأخيراً قدرت أسمعه لا ومو أي سؤال! سؤال أرقام يعني سمعته وهو يقول رقم! ولقطت الإجابة بعد! أوف ياسلام، لسان حالي كان يقول "الليلة يمكن تقولي يانفسي أنك سعيدة" ويوم طلعت أراجع مع البنات قالوا أنه كان يتطلب حساب-يعني السؤال كان يبي مجموع حاجة وهو قال رقم ثم بنص الكلام قال رقم ثاني فالمفروض تجمعين- وقلت في قرارة نفسي"ياليتنا من حجنا سالمين" عموماً تطورت فيه لأني صرت أسمع كثير وأتابع ڤلوقات يوتيوب وصار النقص قليل مرة والسبب ياتُرى؟ وثقت بنفسي ونظفت أذني وصرت قبل لايبدأ الصوت اقرأ السؤال وأحذف الإجابات غير المنطقية حتى قبل سماع الصوت وبالنسبة لمادة الكتابة أستعنت بأستاذة تصحح لي كتابتي-بعد أن أرسلت لها كامل شروط الكتابة وهي تتواصل معاي على الواتس، أنا أكتب وهي تصحح الأغلاط وتعدّل الأخطاء والقواعد وما إلى ذلك- وكمان صرت آخذ أفكار من النت، وأرتفعت درجاتي لكن بعد ماطارت اللي قبل لذلك أختصروا الطريق ومن البداية ووفروا لكم استاذة، بالنسبة لإختبار الكتابة نفسه، كان مرة سهل فكنت أنقص في جزء السماع لكن الكتابة ما أنقص لأنه سهل

3- مادة القواعد(القرامر) محبوبتي، لأنها تعتمد على جهدك بشكل كبير ومرة ماينخاف منها أبداً وهي اللي كانت تطبطب عل ّي، لكن تحولت من محبوبة إلى عدوة بالترم الثاني، والسبب مو هي، أنا الآن راح أتكلم عن الترم الثاني أغلاطي الحقيقية ظهرت هنا، تعرفون الَمثل اللي يقول "من جرف لدحديرة؟" أيوة بالضبط هذا اللي صار، تدحدرت اللي صار إني كنت قامطة من العلمي لذلك أهملت الإنجليزي مرة وهو بدورة أرتفع مستواه مرة كذلك مستوى مادة القراءة(الريدنق) جداً مرتفع على جميع الأصعدة ومادة القواعد(القرامر) خذلتني، السبب أنها على أساس لعبتي من الترم الأول ف أهملتها وبالنهاية نقصت فيها نقص شنيع ونّزل من معدلي واجد أنتبهوا أنتبهوا أنتبهوا، وازنوا وازنوا وازنوا

الكيمياء ممتع وسهل ونظام بلوكات(اللي تختبرينه بالميد ماتختبرينه بالميد اللي بعده ولا الفاينل)

الفيزياء يلفون بالأسئلة لكن مرة مقدور عليه إذا تدربتي على الحل

الأحيااااااء وما أدراكم مالأحياء، مادة النكبة أسميها السبب يكمن في أنها كلاس واحد في الأسبوع فأنا بدوري أسحب على مذاكرتها بحجة أن الأسبوع طويل ويمدي أذاكر ،ويكند يمر ، ويمر الأسبوع ، واللي بعده، واللي بعده، ثم اكتشف أني راكمتها وهذة النصيحة الأخيرة مني لكم، لاتراكمون لاتراكمون لاتراكمون وفي الختام، تذكروا "صوتك الذي تظن أنه لن يتجاوز سقف غرفتك، يتجاوز سبع سماوات، وماكان ربك نسيا" استعينوا بالله في مسيرتكم، لاتقنطوا ولاتيأسوا ساعدوا بعضكم في مسيرتي آمنت بأن الله قادر على أن يغيّر حال إلى الأفضل، إلى حال لم يتوقعه العبد، كنت أطلب من الله أن يزهر وردةً في طريقي لأتمسك بأمل، فوهبني ببستانًا لم يخطر في ُمخيلتي سعيدة جداً بمستواي، لم أتوقع نصف ولا حتى ربع النتيجة، لم أكن قادرة على كتابة نصف صفحة بدون مساعدة والآن وصرت أكتب مقال وقطعة ، كنت أفهم نصف ما اقرأ، والآن أفهمة كله ،مستواي أرتفع بشكل عجيب الحمدلله، راضية بكل شي Set your goals and don’t stop till you get there شكراً للجميع على حسن الإنصات.