السلام عليكم ورحمة الله وبركاته
كوني مجربة السنة التحضرية في جامعه الملك سعود للعلوم الصحية حقول بعض النصائح الي ممكن تساعد وتخفف عليك ضغوط اختبارات الفاينلز سواء من ناحية جهود نفسيه او عقلية
بالنسبة للسمستر ١
تعتمد على مواد English بشكل مكثف بالاضافة الى العربي والثقافة الي حتستمتعو فيها من ناحية الاختبارات وبسيطة المادتين مافيها حاجة صعبة اثناء المذاكرة بس الشيء الي ممكن يسهل عليك انه قبل الاختبار ممكن تذاكري جزئية من قبل بفترة وتبقي جزئية تذاكريها لما تقرب فترة الاختبار بكذا انتي خففتي ع نفسك بكثير وكمان اطلعلي على التجميعات بعد ما تخلصي مذاكرة حتلاحظي ممكن تجيك اسئلة مكررة بعدين ؛ وكدراسة يعتمد عليك وعلى حسب اهتماماتك (مادة العربي والثقافة)
اما مواد English
تعتمد على ثقافتك ومعرفتك للغة بشكل عام بحيث انك تعرفي تكوين الجملة الصحيحة و الجمل الناقصة او الضعيفة الي ممكن تسبب خلل في المعنى
تتقسم المواد الي ٣ اقسام
1-Writing 101
هذي المادة حتتعلمي منها اشياء كثير ممكن ما تكوني عارفتها من قبل او انك ما اعطيتي لها أهمية زي: علامات الترقيم والكلمات الي تدل ع نقطة او فكرة فرعية جديدة وراح تتعملي كيف تكتبي جملة رئيسية ومقدمة للبراقراف تبعك..الخ
لا تشيلو هم في البداية لانك كل شيء راح تتعلميه حبه حبه لا تقولي ابغا اكتب هذي الجملة الفلانية وما عرفت كيف اكتبها زي مثلًا ابغا اقارن (compare) وبنفس الوقت ابغا اجيب اختلاف(contrast) .الفكرة في هذي المادة انك راح تكتبي اسايمنت بطرق متعددة والأهم انك تركزي على المطلوب من كل نوع من الكتابة
كيف حتعرفي؟ المس حتقول لكم عليها واذا ما فهمتي شوفي الكتاب ايش فيه شرح وراح تعرفي كذا فقط لا تشيلي همه وبالنسبة لما تعرفي انه لازم تحطي مرادفات سوي الي تقدري عليه اهم شيء يكون صحيح واذا ما عرفتي لا تحطي عشان حتنقصي عليها.
2-Grammar
بالنسبة لي كانت من اسهل المواد مقارنة ب الرايتنق والريدنق يعني يختلف من شخص لشخص.
اول شيء ذاكري من الكتاب وافهي القاعدة حتلاقي مربع هوا ذا الي فيه الشرح واطلعي ع كتاب التمارين عشان تثبت المعلومة وبعدين افتحي براكتسس اذا عندك وقت وحتلاقي اشياء فيها مو معانا (يعني مش موجودة في الكتاب كشرح) فشيء طبيعي.
3- Reading
هذي المادة تقدري في بعض الجزئيات تكسبي فيها درجات وبعضها ممكن تلاقي صعوبة انك تعرفي الجواب الصح وهذا يعتمد عليك وع حسب لغتك
وما في شيء مستحيل اهم شيء العزيمة والتوكل
الاشياء الي تذاكري منها ڤوكاب لست في الميد وكمان فيه شيء ضافوه سمستر ٢ (Affix list)
حتعرفوه بعدين بس المهم حاولي اتدربي ع جزئية القطعة وحلي اسئلة لكن بطريقة ذكية مو بس تقولي اتدربت وخلاص لا اعرفي قبل لا تختاري الاجابة ايش السبب لانه كله يعتمد ع المنطق وفهمك للقطعه اعصري مخك قد ما تقدري عشان تفهمي كويس (القطعه) وحاولي قبل الاختبار انك تكوني متدربة على الوقت وكيف تخلي الوقت يكفيكك والجزئيات الثانية راح تعرفوها بعدين لانه الاساس القطعه وفهمك لها اذا انتي تعرفي كيف تفهمي الجملة او القطعه او الفقره الي هوا باقي الاشياء حتعرفي كيف تكوني المعنى الصحيح (fill in the blanks) وزي ما قلت يعتمد على المنطق وحتى جزئية الcritical thinking تعتمد على المنطق وراح تعرفي ايش الاستراتجيات لكن الاهم انك لما تسوي براكتس تستمعلي هذي الاستراتيجات وحتى لو ما عرفتي شوفي الحل مع المس واستنتجي السبب لانه حيساعدك وانتي تحلي الامتحان.
سمستر٢
١- الكيمياء(chemistry)
اختبارات الميد كانت افضل من النهائي لانه جينرال واشياء اخذتوها من قبل و لكن افضل شيء تذاكرو درس بدرسه و لا تهملو اي تمرين موجود في السلايدز حتى لو مو محلول
بالنسبة للفاينل الي هيا جزئية(organic )
ماقد اختبرتو فيها ماعدا اول شابتر المهم انكم عشان ما تنضغو وما تتشتتو حاولو انكم تذاكرونه اول بأول حتى لو عندكم ميدات ثانية ،لكن كيف تذاكرونه عشان يثبت وما تضيع مذاكرتك ع الفاضي ؟ اكتبو التفاعلات في دفتر وكل شيء يخصه لان الاورقانك يعتمد ع تفاعلات وكيف يتم تكوينها واسماءها والله حيجي الفاينل الا وانتو صامينها صم لانه في الاختبار ممكن الي يصعب الامر انك تكوني ملخخبطه فقط ومو صعب يعني مستحيل
اما بالنسبة لجزئية اللاب بعد ما تاخذو الاب لخصو من pdf وخذو الاشياء الرئيسيه الي تخص التجربة وماراح يأخذ منك وقت ابدًا وزي ما قلت حيجي النهائي وماراح تحسي بأي ضغط لانه من جد ما في فترة تذاكري فيها مزبوط وبتركيز حيكون كله ورا بعض وممكن تتلخبطي لا سمح الله.
٢- الأحياء(biology)
جزئية الميد او بالأصح ال٨ دروس الأولى راح تحسو بالبداية انكم مو فاهمين شيء لكن لا تهملوه ذاكروه اول بأول لانه عندكم وقت تمسكو فيه البايو لانه هو مره بالاسبوع وماراح يجي الميد الا وانتو بس تراجعوه وممتع صراحه
اما بالنسبة لجزئيةالفاينل لا تهملوه منجد منجد لانه حتاخذو دروس الي تدخل في الفاينل ايام ميد فمره لا تهملو انكم تعطو البايو حقه لانه مره سهل لو انك ذاكرتيه من قبل وتعيديه مره ثانيه بكذا راح يثبتتت لان البايو يعتمد ع الحفظ مع فهم حفظ في ايش؟ المصطلحات مره مهممممهههه وتعرفي كل مصطلح ايش وظيفيته حتقولي سهل بالبداية لكن بعدين لما تختمي الماده حتشوفي ما عندك وقت تراجعي والمعلومة دخلت في عقلك مره وحده وهذا راح يضيعك لانه ممكن تتلخبطي زي ما قلت واحسن طريقة انك تسوي خريطه مفاهيميه لكل جزئية فيها تفرع وزي كذا وهذا حيساعدك كمان.
بالنسبه للاب هوا بالزبط مكمل للدروس ما راح تشوفي معلومات جديده الا في اشياء الي تدخل في التجربة لانه في جزئيه نظري وهوا شرح متكرر منه في سلايدز لكن في جزئية تخص العملي ولها اسئلة تعتمد ع التجربة زي مثلًا تأثير درجة الحرارة في الغشاء الخلية وزي كذا لكن اهم حاجججه الي هيا لا تهملي ال(lab report ) حتى في الكيمياء
ممهم مهمم يجيبو منه اسئلة ابد لا تنسي تقرأيه
٣- الفيزياء
هذي الماده فيها فهم وحفظ للمصطلحات لكن مره تعتمد انك تكتبي نوتس واشياء ممكن تساعدك في حل المسائل لانه غالبا المسائل تعتمد على فهمك وليس حفظك فحاولي تركزي قد ما تقدري حتشوفي في دروس ممتعه وفيه لا لكن اهم شيء تركزي وتحلي مسائللل بعد ما تذاكري كويس وبتريكز حلي مسائل وافهمي وافهمي قبل لا تحفظي واربطي المعلومات ببعض هذا حيثبت المعلومات.